SIK-p ilaasortai ikiorluarneqarnerulissapput

Royal Greenland amma SIK Immikkut ittumik Ikiorsiissuteqarnissamut Aningaasaateqarfimmik, taamaalilluni aalisakkanik tunisassiornermik suliffeqarfinni sulisuusut SIK-mut ilaasortaasut 600-it sinnneqartut, qanigisaminnik imaluunniit ilaquttaminnik perulunnartumik nappaammik nalaanneqarangaata siunissami aningaasatigut ikiorserneqarsinnaanngornerat qulakkeerneqarpoq.
Allattoq Hagen Højer Christensen, Elisa Isaksen
novembarip 10-at 2011 14:45

Isumaqatigiissutini atuuttuni ilaatinneqanngitsuni Aningaasaateqarfittaaq ikiorsiisinnaanngorpoq. Tamakku tassaasinnaapput, nerisaqarnermut ineqarnermullu akiliutissat, immikkullu pissutsit atuutsillugit soorlu ilaqutaasup toqusimasup timaanik Danmarkimiit Kalaallit Nunaaliaassinermi aningaasartuutinut timmisartumullu ilaassutissamut aamma akiliutaasinnaallutik, kiisalu ullormusiat akissarsiassallu annaasat aamma ilanngullugit.

Qinnuteqartoqareerneratigut tapersiisoqarsinnaavoq.

Qanittukkut SIK tassunga assigusumik KNI-mut isumaqatigiissuteqarpoq. Isumaqatigiissummi tassani ilaasortat 700 missaat pineqarput.

- Taamaalillutik naalakkersuinikkut suliaqartunit maannakkorpiaq innuttaasunut nerooruteqanngitsunut sanilliullugit SIK-p ilaasortai 1.300-ut pitsaanerusumik atugassaqartitaalerput, SIK-p siulittaasua Jess G. Berthelsen allappoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq