SIK-mi akissarsiat 10,13 procentinik qaffassapput
Sulinermik inuussutissarsiuteqartut kattuffiat SIK pisortanut upernaaq isumaqatiginninniarnerani 2003-mi 2006-imilu isumaqatiginninniarnernut sanilliullugit angusaqarneruvoq.
Isumaqatigiinniarnerni taakkunani akissarsiat utoqqalinersiallu 8 aamma 8,02 procentinik pitsanngoriaateqarput. Namminersornerullutik oqartussat SIK-lu marsip qulinganni ukiuni pingasuni atuuttussamik isumaqatigiissuteqarmata akissarsiat 10,13 procentinik pitsannguallassimasut sermitsiamit paasineqarluni taamatut allaaserineqarpoq.
Pingaartumik allaffinni sulisut suliamillu ilinniagaqarsimasut akissarsiaat pitsannguallapput, akissarsialli tunngavii agguaqatigiissillugu 1,93 procentinik 2012-ip tungaanut qaffariassapput.
Isumaqatigiinniarnermi angusat maannakkut SIKp immikkoortoqarfiini taasissutigineqarput. Immikkoortoqarfiit qanoq isummerumaarnersut suli
nalunarallarpoq aviisi sermitsiaq taamatut allaaserisaqarpoq.