SIK GA-lu isumaqatiginninnialerput
Sulinermut Inuussutissarsiutillit Kattuffiat Kalaallit Nunaannilu Sulisitsisut Peqatigiiffiat isumaqatigiissummik nutaamik isumaqatigiinniarlutik ullumi aallartipput. Isumaqatigiissut atuuttoq marsip 31-anut killeqarpoq.
Allattoq Louise M. Kleemann
marsip 08-at 2010 08:31
Aatsitassarsiornermi sulisunut isumaqatigiissutissap sikkussaa illuatungeriinnit perngaammik isumaqatiginninniutigineqassaaq.
- Isumalluarpunga qilanaarlungalu neriuutigalugulu illuatungeriit akunnitsinni suleqatigiilluarumaartugut, Jess G. Berthelsen oqarpoq.
Sapaatip akunnerata ataatsip ingerlanerani angusaqarnissartik, Jess G. Berthelsenip neriuutigaa.
Illuatungeriit isumaqatiginninniarnerat kingulleq qaammatinik arfineq-pingasunik sivisussusilik 2006-p naalernerani atsiorneqarpoq.
