SIK GA-lu aallarniutaasumik atsioqatigiipput

Sulinermik Inuussutissarsiuteqartut Kattuffiata ilaasortaasa ilaat pillugit isumaqatigiinniartut SIK-p siulittaasua, Jess G. Berthelsen illuatungaani Sulisitsisut peqatigiifianni GA-mi pisortaq Henrik Leth ullumi sisamanngonermi atsiorpaat isumaqatigiissutissani SIK-p ilaasortaanut atuuttussani qulequttat pingaarnerit ukiuni tullerni pingasuni isumaqatigiissutissat.

Taamaalilluni isumaqatigiissutissamut tamakkiisumut aallarniutaagaallartussamik atsioqatigiittoqarpoq. Isumaqatigiiniarsimanerit ulluni sisamani sivisussuseqarsimasut illuatungeriinnut pitsaasumik isikkoqarput.

Illuatungeriit ilimagaat isumaqatigiinniarnerit isumaqatigiissutinut tamanut attuumassuteqartut sapaatip akunnerata ataatsip ingerlanerani naammassineqariissasut. Taama allapput SIK-p siulittaasua Jess G Berthelsen aamma GA-p siulittaasua Henrik Leth.

Illuatungeriit isumaqatiginninniarnerat kingulleq qaammatinik arfineq-pingasunik sivisussusilik 2006-p naalernerani atsiorneqarpoq.