SIK: Angerneq pisussaaffiliivoq

Namminersornermut angerneq sulisartorpassuarnut aamma pisussaaffiliisoq, Sulinermut Inuussutissarsiuteqartut Kattuffiata SIK-p qularutiginngilaa.

- Inuiaat kalaallit maani nunaqartut tamaasa pilluaqqorusuppakka ullormi nuannersumi taama amerlatigisut namminersornermut angermata. Kalaallit taamaalillutik aamma oqariartorput oqaatsitik pingaarnerutillugit, Jess G. Berthelsen oqarpoq.

- Kalaallit oqaasiisa suliffeqarfinni allanilu atorneqartariaqarput, tassaammata sakkussat pissaanermik aamma tunisisartut.

Aamma innuttaasut namminersornermut angernerat namminiilivinnissamut alloriarnermut piareersimanertut taaneqartariaqarnerarpaa.

- Nunatta pisuussutai pigilertussanngoratsigit aamma nuannerpoq.

Namminiilivinnissap 2012-imi atuutilernissaa SIK-p suli aalajangiusimavaa?

- Aappi, Nakkutilliisoqarfiup 2002-mi ataatsimeersuarnermi naqissuserpaa piumaffigaluta taanna anguniassagipput, soorunami allamik tunineqartigata 2012 siunnerfigissavarput, SIK-p siulittaasua oqarpoq.

- Inuiaat kalaallit namminersulivinissamut aalajangiinissamik

periarfissinneqarput, Jess G. Berthelsen naggasiivoq.

SIK manna 10.000-t missaannik ilaasortaqarpoq.