SIK: "Akitsuutit qaffannerisigut piaaraluni pissakinnerit eqqorneqarput!"

Sikaritsit imigassat tungusunnitsullu akitsuuserneqarnerisigut pissakinnerit eqqorneqarput, taama oqarpoq SIK-p siulittaasua Jess G. Berthelsen. Akitsuutinik qaffaasut taakkuupput pujortarunnaarnissaminnik imigassamillu atuinnginnerunissaminnik imminnut piumaffigisinnaasut, piaaralunilu pissakinnerusunik eqqoriaaneeruvoq Jess G Berthelsen oqarpoq. Akitsuusiinikkut peqqinnarnerusut akikillineqanngillat, peqqinnerulernissamillu siunertalimmik akitsuusiineq iluaqutaanngilaq.

SIKp siulitaasua Jess G Berthelsen ilanngullugu oqarpoq aalisakkat nunami suliarineqanngitsut, aammalu aatsitassat nunatsinniit annissorneqartut akitsuuserneqarsinnaasut. Peqqinnanngitsut akitsuuserneqarneratigut peqqinnerulernissamik oqariartuut Jess G Berthelsen isumaqatiginagu oqarpoq, isumaqarami akissarsiakinnerit akissarsiaat qaffanneqarunik peqqinnerulissasut.

Akitsuutit qaffanneqarnerat inatsisartut ullormiit ullormut atuutilersinnaappatigit assinganik atorunnaarsissinnaavaat, SIK siuliuttaasua Jess G Berthelsen oqarpoq, tamaaliornianngippata akerliussutsimik takutitsisoqarsinnaavoq atsiortitsinernillu katersisoqarluni. Akissarsiat pillugit isumaqatigiinniarnissami inatsisartut naatsersuutigissavaat SIK annertunerusunik piumasaqarnissani Jess G Berthelsen oqarpoq.

SIKp siulitaasua Jess G Berthelsen ilanngullugu oqarpoq aalisakkat nunami suliarineqanngitsut, aammalu aatsitassat nunatsinniit annissorneqartut akitsuuserneqarsinnaasut. Peqqinnanngitsut akitsuuserneqarneratigut peqqinnerulernissamik oqariartuut Jess G Berthelsen isumaqatiginagu oqarpoq, isumaqarami akissarsiakinnerit akissarsiaat qaffanneqarunik peqqinnerulissasut.