Siciliami sialussuarmat inuit 17-it ajunaarput
Italiami Siciliami sialussuarmat inuit ikinnerpaamik 17-it ajunaarput, allallu qulit maqaasineqarlutik.
Allattoq Mads Lynge
Qarsutsinerit nunallu sisoornerata kingunerisaanik inuit 60-it missaat aqqunartitersimasut, Italiami oqartussat tusagassiuutinut nalunaarutigaat.
Inuit 17-it ajunaartut, illoqarfiup Messinap ungasinngigisaani ajunaarput, nuna tassani sisoorujussuarmat.
Illu Messinamiittoq nakkaannikuumat biilillu kuussuarmut kuugussammata ajunaartut amerlisinnaanissaat aarleqqutigineqarpoq. Aqqunartitertut 60-it akornanni inuit arfineq-pingasut aqqunartitingaatsiarsimasut, Italiami oqartussat nutaarsiassaqartitsivimmut Ritzau-imut nalunaarutigaat.