Sichuanimi nuna sajoqqippoq
Kinami Sichuan-provinsimi maajip qiteqqunnerata nalaani nuna sajorujussuarmat inuppassuit ajunaarput, ajunaarsimasullu maanna 62.000-init amerlanerusut pisortatigoortumik nalunaarutigineqarpoq, allaallumi 80.000-it ajunaarsimanissaat ilimagineqarluni.
Allattoq Mads Lynge
maajip 25-at 2008 17:32
Inuit 5 millioninit amerlanerusut angerlarsimaffeerupput.
Ajornartorsiutilli tamaanga killeqanngillat. Nuna ullumi sajoqqimmat inuit 400-t ikiligaapput, illuillu 70.000-it aseruatiterlutik.
Nunap sajuttarneranut uuttuut naapertorlugu nuna 5,8-mik sajuppoq, illoqarfiillu pingaarnersaanni Beijingimi aamma malugineqarluni.
Saputit 69-it uppikaanissaat aarleqqutigineqarpoq, nunap immikkoortortaani Sichuanimi siallermat. Saputit maanna qajannaallisarneqaleruttorput.
