Siberiami nuna annertoorujussuaq ikuallappoq
Nutaarsiassaqartitsivik Tass naapertorlugu, ikuallattoq Sibiriami Krasnoyarskimut anngussimavoq. kuallaffiusoq Sjælland Fyn-ilu ataatsimut angeqatigingajappaa.
- Ikuallaffiusut sumiiffinni assigiinngitsuni 118-ni ikumapput.
Najugaqartunulli navianartorsiortitsinngitsut, Ruslandimi qatserisartut taama nalunaaruteqarput.
Qatserisartut 1300-t ikuallaffiusuni qatseripput aamma timmisartut qulimiguullillu qamisaaniarnermi atorneqarput.
Kiannerujussua panernarnerujussualu pissutigalugit ikuallannerit siaruaatsinneqartut oqartussat taama paasissutissiipput.
Nittartakkatigut allaqatigiittarfinni ikuallattumi assilisat "Siberia ikuallappoq"-mit qulequtserneqarsimasut takuneqarsinnaapput
- Anersaartorniarneq ajornakusoorpoq, ornitassaqanngilaq ikuallattup pujuanit siammarfigineqarsimanngitsuni. Meeqqat inersimasullu putsumit quersorput, ikuallaffiusumit kilometerinik 100-nik ungasitsigisumi najugaqartqo taama oqarpoq.
Sibiriami ukiut tamaasa pinngortitami ikuallattoqartarnera takornartaanngilaq. Aasaq mannali najugaqarfinnut mikinerusunut annerusunullu pujoq anngussimavoq .