Sibiriami inneq ingasalluinnarpoq
Sibiriap kangisissuani sumiiffinni 400-nit amerlanerni orpippassuit masarsoqarfiillu ikuallattorsuupput. Ikuallattut annaassiniartartut siaruatsaalivaat.
Allattoq Ritzau, Carla Davidsen
maajip 23-at 2011 14:53
Siorna ikuallarujussuartoqarneratulli pisoqarnissaa ernummatigineqarpoq, russit tusindilippassuit inuunertik taamani annaavaat, nunaaterpassuit orpippassuilllu nunguvillutik ikuallallutik.
Ikuallanneq sapaatip-akunnerata naanerani aallartippoq, sukkasoorujussuarmillu siaruaalluni. Orpippassuit masarsoqarfiillu 110.000 hektarimik annertussusillit ualigaa ikuallattorsuusut, Ruslandimi upalungaarsimanermut ministeriamiit ilisimatitsissutigineqarpoq.
110.000 hektarip assigaa 1 milliard 100 million kvadratmeteri.
Pinngortitami ikuallannerit 8.500-t ukiortaamiit maannamut pereerput, siornamut taamaasineranut naleqqiullugu marloriaatingajaallutik.
