Sibiariami tiigerit amerliartoqqilerput

Qitsuarsuit nunarsuatsinni anersaat, tiigeri Sibiariami uumasuusoq, utersaariartulerunarpoq.

Tiigerit taakku nungutaajartulersimagaluarput, maannali tassa amerliartoqqilersimallutik, oqaatigineqarpoq tiigerit taakku ukiuni kingullerni untritilinni atsaat taama amerlatigisut. Pinngortitaq pillugu nunarsuaq tamakkerlugu suliniaqatigiiffik, WWF, taama ilisimatitsivoq.

Tiigerit taakku aallaaniartartut ukiorpassuarni piniartarsimavaat. Tammajuitsussatut pilerigineqartorusussuupput, amia pillugu, aammalugooq tiigerit saarngi seqummakut kiniiserit nakorsaatitut atortarpaat.

1940-kkunnili ajorluinnartumik paasisaqarput. Sibiriami tiigerit nungutaangavissimapput, Ruslandillu kangiani ungallermi tiigerinik eqqissisimatitsivimmi tiigerit 40-innanngorsimasut pasitsaanneqarpoq.

Avatangiisinik illersuiniaqatigiiffiit taamani nalilerpaat uumasut taakku nungutaalersut allattorsimaffiinut allanneqassasut, taamaaliorpullumi, maannali tassa pisoqalerpoq.

Russit ukioq-manna kisitsinerinit paasinarsivoq, Ruslandip kangiani ungallermi tiigerit 480-it 520-llu akornanni amerlassuseqalersimasut. Pinngortitaq pillugu nunarsuaq tamakkerlugu suliniaqatigiiffiup, WWF-ip, Ruslandimi immikkoortortaaneersoq, Aleksej Vajsman, naapertorlugu tassa imaalersimalluni, tiigerit taakku nunarsuaq tamakkerlugu 600-t missaaniilersimassapput.