Sianiutimigut qasusoormat annippaat
Timmisartumi ilaasut ilaat, timmisartup minnerata kingorna oqaluttuarpoq, timmisartumik aquttoq nilliallunilu suaartartoq timmisartumit anninneqarsimasoq. Timmisartup mereermat timmisartumik aquttoq nakorsanit aaneqarpoq, maannakkullu katsorsarneqarluni.
Timmisartortitseqatigiiffiup Air Canadap uppernarsarpaa, timmisartumi inuttat ilaasa pissusissamisut pissusilersunnginnerata kingorna, timmisartoq ajutuulersutut mittarfimmut mitsinneqartariaqarsimasoq.
Ilaasut ilaasa oqaluttuarnera naapertorlugu, timmisartumik aquttoq aquttarfimmiit pinngitsaalillugu anninneqarsimavoq, ilaasullu immikoortortaqarfianut inissinneqartariaqarsimasoq.
- Ingattarsertorujussuuvoq nipituulioqalunilu. Guuti attaviginiarsimavaa, Sean Finucane timmisartumi ilaasut ilaat oqaluttuarpoq.
Timmisartumut ilaasut akunnittarfimmut inissinneqarput, akunnerillu arfineq-pingasut qaangiummata, timmisartoq allanik inuttalerlugu ingerlaqqissimavoq.