Sheila Watt-Cloutier Nobel-ip eqqissinermut nersornaasiuttagaanut
USA-mi præsident-imut tullersortaasimasoq Al Gore Canada-imilu inuit atugaat pillugit sorsuutiginnittoq Sheila Watt-Cloutier, nunarsuarmi silaannaap allanngoriartornerata soqutigineqarnerulernissaanik suliniuteqarnertik pillugu Nobel-ip eqqissinermut nersornaasiuttagaannut ukiormanna tunniunneqartussamut innersuuneqarput. Nutaarsiassaqartitsivik Environment News Service taamatut allaaserisaqarpoq.
Sheila Watt-Cloutier Quebec-iminngaaneersuuvoq, maannakkullu Nunavut-mi Eqalunni najugaqarpoq , ICC-imi siulittaasuulluni. ICC-imi ilaasortaapput inuit Canada-miittut Alaska-miittut Nunatsinniittut Rusland-imiittullu.
Al Gore ukiuni kingullerni filmi An Inconvenient Truth silaannaap allangoriartornera pillugu piviusulersaarut, nunarsuarmi tamarmi angalaarluni takutittaqattaarpaa. Filmi taanna Academy Award-imi nersornaaserneqartussatut innersuuneqarpoq.
Nobel-ip eqqissinermut nersornaasiuttagaannut innersuunneqartoq alla tassaavoq siornatigut Finland-ip præsident-erisimasaa maannakkullu eqqissinissamut isumaqatigiissitsiniartartoq Martti Athtisaari. Indonisiami pikisitsisut naalakkersuisullu akornanni eqqissineqarnissaannik suliuniuteqarnerpaat ilagisimasaat. Nobel-ip eqqissinermut nersornaasiuttagaanut ajugaasoq oktoberimi ukiormanna pisortatigoortumik nalunaarutigineqassaaq decemberillu qulingani tunniunneqassalluni.
Gore 020207 ualeq/lmn/jal
USA-mi præsident-imut tullersortaasimasoq Al Gore Canada-imilu inuit atugaat pillugit sorsuutiginnittoq Sheila Watt-Cloutier, nunarsuarmi silaannaap allanngoriartornerata soqutigineqarnerulernissaanik suliniuteqarnertik pillugu Nobel-ip eqqissinermut nersornaasiuttagaannut ukiormanna tunniunneqartussamut innersuuneqarput. Nutaarsiassaqartitsivik Environment News Service taamatut allaaserisaqarpoq.
Sheila Watt-Cloutier Quebec-iminngaaneersuuvoq, maannakkullu Nunavut-mi Eqalunni najugaqarpoq , ICC-imi siulittaasuulluni. ICC-imi ilaasortaapput inuit Canada-miittut Alaska-miittut Nunatsinniittut Rusland-imiittullu.
Al Gore ukiuni kingullerni filmi An Inconvenient Truth silaannaap allangoriartornera pillugu piviusulersaarut, nunarsuarmi tamarmi angalaarluni takutittaqattaarpaa. Filmi taanna Academy Award-imi nersornaaserneqartussatut innersuuneqarpoq.
Nobel-ip eqqissinermut nersornaasiuttagaannut innersuunneqartoq alla tassaavoq siornatigut Finland-ip præsident-erisimasaa maannakkullu eqqissinissamut isumaqatigiissitsiniartartoq Martti Athtisaari. Indonisiami pikisitsisut naalakkersuisullu akornanni eqqissineqarnissaannik suliuniuteqarnerpaat ilagisimasaat. Nobel-ip eqqissinermut nersornaasiuttagaanut ajugaasoq oktoberimi ukiormanna pisortatigoortumik nalunaarutigineqassaaq decemberillu qulingani tunniunneqassalluni.
