SF: Savalimmiut Kalaallillu Nunaat namminneq peqataalik

Nunat tamalaat akornanni arfanniartarneq pillugu ataatsimiittoqartillugu Kalaallit Nunaat aamma Savalimmiut nammineerlutik peqataasalissasut SF-imit siunnersuutigineqarpoq.

Siunnersuut saqqummiunneqarpoq arfanniarnermut akerliusut ullumi Christiansborgimi tusagassiortunik katersuutsitsereersullu.

- Kukkulluta illersuisarpugut, ilaatigut Japan nungusaataanngitsumik piniartarnissamik soqutigisaqanngilluinnartoq illersorparput aamma ullumikkut Danmark nunatut iluanaarniutigalugu arfanniartarnermik illersuisutut inissisimavoq, SF-ip avatangiisit pillugit oqaaseqartartua Steen Gade oqarpoq.

Taamaattumik taassuma pitsaanerussasoraa Kalaallit Nunaat aamma Savalimmiut nammineerlutik isumaqatiginninniartalerpata.

Peqatigitillugu Danmarkip nunarput illersormagu Steen Gadep erseqqissarpaa.

- Kalaallit Nunaata arfanniartarnera tapersersorparput, aamma Kalaallit Nunaata nungusaataanngitsumik arfanniarsinnaajuarnissaanut tunngavigineqartut aalajangiusimavavut, Steen Gade Ritzauimut oqarpoq.

Ritzau naapertorlugu SF-ip siunnersuutaa Atlantikup Avannaani Suleqatigiinnit tapersersorneqarpoq.