Sermitsiaq AG-p tapiiffigineqannginnissaa Aleqap aalajangiusimavaa

Tusagassiivik Sermitsiaq AG tusagassiorfinnut tapiissutinik tunineqassanngilaq. Naalakkersuisut siulittaasuata Aleqa Hammondip tamanna aalajangiusimavaa.
Allattoq Jaaku Lyberth
aggustip 26-at 2014 08:51

Naalakkersuisut siulittaasuata Aleqa Hammondip tamanna aalajangiusimallugu oqaatigaa erseqqissaatigaalu nammineq isumaqarami tamanna aalajangiinermi oqaaseqarnissamut kiffaanngissuseqarneq imaluunniit oqartussaaqatigiinneq killilersorneqanngitsoq, tapiissutit peerneqarnerisigut.  

- Naalakkersuisut erseqqissassavaat aalajangiinermi oqaaseqarnissamut kiffaanngissuseqarneq imaluunniit oqartussaaqatigiinneq killilersorneqanngimmat - paarlattuaniinneruvoq, tamatuma arlaannaannulluunniit attuumassuteqannginnerulerneq annertunerulersippaa, Aleqa Hammond oqarpoq.

AAMMA ATUARUK Aleqap aviisinut tapiissutit qularnartumik tunngaveqarluni atorunnaarsippai

Aalajangernerlu erseqqissaqqillugu oqaatigaa Naalakkersuisut suliffeqarfinnik sinneqartooruteqartumik ingerlatsisunut innuttaasut akileraartartut aningaasaataannik annertunerusumik tunniussinianngimmata.

Tusagassiivik Sermitsiaq.AG Naalakkersuisut aalajangernerat suliassamik nalilersuititsilluni misiliinissamut periarfissaqarpoq, ilanngullugu Naalakkersuisut aalajangiinerat ombudsmandimut aamma /imaluunniit eqqartuussivinnut suliakkiissutigisinnaallugu.
 
- Tamanna Naalakkersuisut eqqissillutik qilanaaraat, Aleqa Hammond oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk