Sermersuup ukiormanna aakkiartornera unippoq
Sermersuup sukkasuumik aakkiartornera juunimi aallartittoq, aggustip 14-ianni allanngorpoq.
Sermersuarmi aggustip 17-ianni nittaalluni anorersuarmat, sermersuup ukiormanna aakkiartornerata uninnnera ilisimatuut ilimagivaat. Ilisimatuut Polar Portal-mi ilisimatuutut sulipput, tassani suleqataapput Danmark-imi silasiorfik DMI aamma Damarkimi Nunatsinnilu Ujarassiuut Misissuiffik GEUS kiisalu Danmarks Tekniske Universitet-imi DTU-mi avataarsualeriffik.
Taakkua issittumi silap sikullu pissusaasa allanngoriartornerat malinnaaffigivaat taakkualu pillugit paasisat kingulliit ingerlateqqittarlugit.
Polarportal DK-ip qulakkeerlugu oqaatigaa, sila allanngoriasaarsinnaamat sermersuarlu aakkiartoqqilersinnnaasoq. Ukialernerani seqerngup nuisasarnera sivikillisussaavoq taamaattumik sermersuup sukkasuumik aakkiartornera aasarmanna unikkunarpoq.
Sermersuup sakkortuumik aakkiarnertornera aasarmanna marloriarluni nalaanneqarpoq.
Sermersuup aakkiartornerata sakkortunerpaaffianiimmat sermip aannera 12,5 gigaton-itut oqimaatsigaaq tassalu imeq 12,5 kubikkilometerisut annertutigisutut uuttorneqarpoq tamannalu pivoq ulloq 25 juli
Piffissami tassani kujataani kiattorujussuuuvoq.
Sermersuup aasarmanna sukkasuumik marloriarluni aakkiartornera agguaqatigiissillugu 200 gigaton-itut annertutigaaq, (oqimaatsigaaq)
Polar Portal-ip allaaserisaa naapertorlugu sermersuup sukkasuumik siorna aakkiartupiloorneratut uippallernartiginngilaq.
