Sermersuup tamarmi aannissaa aarlerissutigineqartoq
Seqernup qinngornerisa utersaartarnerat pissutigalugu sermersuaq aakkiartuinnavippoq. Seqernup qaamarnga sermip qaqortup minguitsullu 84 procentianut utertarpoq, sermimulli mingoqarnerusumut 20 procentiinnaq utertarluni.
Allattoq Carla Davidsen
juulip 04-at 2012 08:25
Sermersuullu tamavimmi aannissaa maanna tassa ilimanarsilluinnarpoq, ilisimatuut amerikamiut, Ohiomi Byrd Polar Research Centerimeersut nalunaartut, Informationimi, ullumi saqqummersumi, tamanna allaaserineqarpoq.
- 2012-imi malugisat uissuumminarnersaat unaavoq, aput sermerluunniit, atsissumiinnaanngitsoq, aammali qutsissumi, aakkiartupiloornerat, ilisimatuut eqimattat oqaaseqartartuat, Jason Box, aviisimi Informationimi issuarneqarpoq.
Taassuma oqarnera naapertorlugu sermersuup nukiit seqinermeersut ima annertutigisut ukiuni aqqaneq-marlunni tigusimavai, taakku USA-p kiassarnermut ukiumut atortagaasut annertutigingajallutik.
Ilisimatuut misissuinermik inerneri ilisimatuussutsikkut atuagassimi The Cryophere-imi saqqummiutissavaat.
