Sermersuup naqqa qillerummit anguneqangajalerpoq
Ilisimatuut 14-it amerikamiut timmisartuannut ilaallutik Sermersuup qeqqani sermimik qillerivimmut ullumi tikissapput. Sermersuup naqqata ukiormanna angunissaa ilisimatuut naatsorsuutigilluinnarpaat.
Allattoq Louise M. Kleemann
apriilip 28-at 2010 09:46
- Sermimik qillerinerit killiffiat pissanganarluinnarpoq, professori Dorthe Dahl-Jensen Niels Bohr Inatituttimeersoq Ingeniørimut oqarpoq.
Sermersuup naqqa 2,545 meeterimik ititigisumiittoq ukiunik 150.000-inik pisoqaassuseqassangatinneqarpoq.
Sermersuup naqqata anguneqarnissa junip 20-ata julillu 20-ata akornanni pissangatinneqarpoq.
Sermersuup qeqqani qillerinermut aningaasartuutit 48 millionit koruuninik amerlassusillit affaat danskit naalagaaffiannit akilerneqartarput, 28 procentii USA-mi National Science Foundationimit akilerneqartarput, aningaasartuutillu sinneri nunanit aqqaneq-marlunnit avinneqartarlutik.
