Sermersuup inissiaatini nammineq aqunniarpai
Namminersornerullutik Oqartussat inissianik aqutsinerannik kommuninut nutaanut nuutsinissamik Aaqqissuussaanermut Isumalioqatigiissitat inassutaata malinneqarnissaanut Kommuneqarfik Sermersooq alloriarnermik siullermik taamaalilluni tigusivoq.
- Iserit A/S-ip maannamut sullissinera pitsaasuusutut nalilerneqarpoq. Aamma inissianik attartortut sullinneqarluarnerarlutik unnersiortarput. Kiisalu pitsaasorujussuarmik aserfallatsaaliimmata, sulinerat siaarneqassasoq kissaatigineqarpoq.
- Atuisut naammagisimaarinninnerisa angusarissaarnerullu saniatigut, Iserit A/S-ip pikkoriffigaa najukkami suliffiutilinnut missuteqartarnik, taamaaliornerlu suliffissanik pilersitsillunilu piginnaasanik ineriartortitsivoq, tamannalu ataatsimiisitaliap politikkianut naleqquppoq Asii Chmenitz Narup oqarpoq.
Ikaarsaariarnermut ataatsimiisitaliaq aamma tuungaviusumik aalajangerpoq, ungasinnerusoq isigalugu inissiat tamarmik kommuniniit aqunneqalernissaat siuertaralugu Namminersornerullutik Oqartussant saaffiginnissallutik.
- Kisianni ikaarsariarnermi ataatsimiitsitaliami ilisimaarivarput, Namminersornerullutik Oqartussat inissiaataasa aserfallatsaalineri pitsaasuunngitsut, aningaasarpassuillu atorneqartusaassammata, soorunami sikorniinnarluta taakkua tigunavianngilagut, ikaarsaariarnermut ataatsimiisitaliami siulittaasoq, Asii Chmenitz Narup, naggasiivoq.
Iserit A/S-imiit oqaatigineqarpoq, kommunit inissiaataanik aqutsineq namminneq INI A/S-ip aqutsineranut naleqqiullugu inissiamut ataatsimut ukiumut 800 kroninik akikinnerusumik ingerlassinnaagitsik.
