Sermersuup ataa qaavaluunniit aakkiartorpa?
Kalaallit Nunaata imartaata kissassusaa misissugaraara – 100 meteri sinnerlugu ititigisumi. Imaq kissartoq Kalaallit Nunaannut qanillattortarnersoq – sermersuullu sinaanut apuuttarnersoq misissugaraara. Immap kissassusaata sermersuup aakkiartorneranut sunniuteqartarnera misissussallugu pingaartorujussuuvoq, immap kissartup sermersuaq sukkanerusumik aakkiartortissinnaammagu, David Holland oqarpoq.
Kalaallit Nunaanniit sikuijuitsumiillu kujallermiit sermersuup aakkiartornerata imarsuaq qaffatsissinnaavaa, aammali iluliarsuit avalattarneri qaffakkiartorneranut sunniutaasinnaapput. Ajornartorsiutigaarput immap kissartup Kalaallit Nunaanni sermersuup sinaanut sikuiuitsumullu kujallermut qanillattortarnersoq suli tunngaviusumik misissorneqannginnera. Sermersuup uukkartarnera immap qaffakkiartorneranut qanoq sunniuteqartarnersoq suli qarasaasiakkut assersuusersorluta misilittarnikunngilarput, taamaammat siulittuutit assigiinngitsut tusuiginarsinnaanngillat. David Hollandili siulittuutaasartunut apeqqusiigaluarluni mianersortariaqartugut isumaqarpoq. Politikerillu paasitinneqartarput aqagu ajunaarnersuaqarnavianngitsoq, qujanaqaarli Ilulissanukartaramik, imaallaat ilisimasaqarnerulerlutillu paasinnissinnaanerulertarput, David Holland naggasiivoq.
Katuami oqalugiarnissaq Inutekimiit – Grønlands teknologiske selskabimiit - aaqqissorneqarpoq.
