Sermersuumi eqqakkat pillugit sullissivik angalaalersoq

Tamanna Nuummi innuttaasunut immikkut ittumik iliuuseqarfigineqalerput. Eqqakkat annertuut aamma ulorianartut iginneqarnissaannut eqqaavinnik najugaqarfigisap qanittuanut oktobarimi novembarimilu inissiisoqartassaaq.

Eqqakkat pillugit sullissivik nuunneqarsinnaasunik ulorianartunik angisuunillu eqqaavigineqarsinnaasunik najugaqarfiusut qanittuini eqqaaviliiniarpoq. Taakkua illoqarfiup ilaani sumiiffinni assigiinngitsuni ulloq ataaseq marlulluunniit inissinneqartassapput, sulisullu eqqakkanik immikkoortitserinissamut ilitsersuisut peqataasarumaarlutik.

- Siusinnerusukkut eqqakkanik katersuisoqartillugu eqqakkat aqquserngup sinaanut iliinnarneqartarput tassanngaanniillu kommunimiit aaneqartarput, kisianni taama aaqqiineq pitsaasuusimanngilaq, Kommuneqarfik Sermersuumi Ingerlatsinermut pisortaq Frank Rasmussen taama oqarpoq, nangillunilu:

- Tamannalu pinngitsoorumavarput, taamaasillutalu allaanerusumik misileerusussimavugut eqqakkanillu sullissivik angallatissavarput, Frank Rasmussen oqarpoq.

Inuit ulluinnarni piffissami angerlarsimasarfianni, tassa ualikkut pingasunit unnukkut arfineq-pingasut tungaanut eqqaavinni sulisoqartassaaq, oqimaatsunillu igitaqassagaanni eqqagassanut puunik atortoqarsinnaalluni.

Ulluinnarni eqqakkat, suliffeqarfimmiit eqqakkat eqqakkallu isugutasut eqqaavigisatsinnut iginneqarsinnaanngillat, eqqaaviillu matoreernerisa kingorna eqqaaviit eqqaanni eqqakkanik ilioraasoqaqqusaanngilaq, Kommuneqarfik Sermersuup Eqqakkat Pillugit Sullissivia tusagassiuutinut nalunaaruteqarluni taama allappoq.

Eqqakkat pillugit sullissivimmit angalaarnissamut pilersaarut