Sermersuumi ataatsimiititaliat arfinillit pilersinniarpaat
Ikaarsaariarnermut Ataatsimiititaliami ilaasortat amerlanerussuteqartut, tassalu Inuit Ataqatigiit, Demokraatit aamma Per Nukaaraq Hansenip Ivittuuneersup Aningaasaqarnermut Ataatsimiititaliap inassuteqaataatut aaqqissuussineq nutaaq akueraat.
Illuatungiliuttut tassaasut Siumut aamma Atassut taaseqataanngillat.
Ataatsimiititaliat taakkualu pisortaqarfissaat aamma tallimaanissaat Siumukkut Atassutikkullu siunnersuutigigaluarpaat.
Ataatsimiititalialli arfiniliiginnarnissaat aalajangerneqarpoq, Aningaasaqarnermut Ataatsimiititaliap saniatigut ataatsimiititaliat pilersinneqartussat tallimaagamik.
Aaqqissuussineq januaarip aallaqqaataani atuutilissaaq, pisortaqarfissallu pisortassaat oktobarip naajartulernerani inuttassarsineqarsimanissaat neriuutigineqarluni.
