Paasisat najoqqutaralugit Nunatta sermersuata aakkiartornerata, 1995-imiit maannamut imarsuit ukiumut 0,7 millimeterinik qaffariartittarpai.
- Tamanna naatsorsuutigisaraluatsinnit pingasoriaammik anneruvoq. Kisitsisit taama qaffasitsiginissaat naatsorsuutigisimanngikkaluarparput. Tamatumunnga Kalaallit Nunaata sermersuata aakkiartornerata sukkatsikkaluttuinnarnera pissutaavoq, Sebastian H. Mernild oqarpoq.
1990-ikkut qiteqqunnerannit sermersuaq ukiumut agguaqatigiissillugu 265 kubikkilometerinik milleriartarpoq. Tamatuma assigaa sermit issoqqaarissut kilometerimik ataatsimik portussusillit kilometerimillu ataatsimik silissusillit 265-it.