Sermersuarmut aakkiartuaartumut Radioavisi ullumi sianerpoq – Europami sermersuit anginersaat, Islandimiittoq, Vatnajökull-imik taaneqartartoq.
Eqqumiittuliornermik ilinniartup Tuluit Nunaanneersup, Katie Patersonip, sermersuaq aakkiartortoq mikrofonilissallugu isumassarsiarisimavaa, sianerfigineqarsin-naanngorlugulu telefonnormulersimallugu.
Sermersuup aakkiartortup eqqaani tupersimatilluni napparsimasorujussuulluni taama isumassarseria-taarsimavoq – peqqisserusulluni sermersuup aakkiartortup kuuanit imertarsimavoq, misigiler-simavorlu sermersuaq ataasioqatigalugu – taamatut misigisaqarnini inunnut allanut aamma tunniukku-sulersimavaa.
- Killitsissimanartorujussuuvoq. Kuuk sermimit kuuttoq arriitsuararsuarmik sakkukilliartortoq – tunuarsimaarpasilluni- malugineqarsinnaanngingajattumik.
- Alianarpoq nunarsuaq taamatut nungukkiartortoq takullugu, Katie Paterson, nutaarsiassaqartitsivimmut Reutersimut oqarpoq.
Silaannaap allanngoriartornera Vatnajökull-imut sunniutilerujussuuvoq – Katie Patersonip oqarnera malillugu, oqaloqatigiinnerit silaannaap allanngoriar-torneranut ersisaarutaanngillat – kisiannili sermersuup nungukkiartornera tassuuna ersersinniarneqarpoq.
Vatnajökullimut telefonnormu nittartakkatinni takuneqarsinnaavoq:
www. knr.gl – aanalu sianerfigineqarsinnaasoq:
44 77 58 22 56 98