Sermersuarmi qillerineq 1,7 kilometeriuvoq
Qillerineq aasaanerani ulluni 100-ni sulsarnerni angusat pitsaanersarigaat, taama Niels Bohr Instituttimi Københavns Universitetimi immikkoortortaasoq allaaserinnippoq.
Tammaarfimmi Neem-imi Sermersuaq 2.545 meterinik issussuseqassangatinneqarpoq sermersuullu naqqani qaarsoq aappaagu imaluunniit 2011-mi anguneqassangatinneqarpoq.
Sermersuarmi qillerinikkut pingaarnertut paasiniarneqartoq tassaavoq silap ukiut 120.000-it 130.000-illu akornanni matuma siornagut kissannerpaaffigisimasaa, taaneqartartoq Eem.
Taamanersuaq ukiut sermersuaqarfiit atuuttut marluk akornanni sila kissarsimaqaaq, allaat Kalaallit Nunaat ullumikkornit agguaqatigiissillugu gradinik tallimanik kiannerusimasoq ilimagineqarluni.
Sermersuarmi qillerinikkut Eem-ip atuunnerata nalaani sIlap pissusaata qanoq issimanera iilisimatusarfigineqarpoq, paaserusunneqarluni nunarsuarmi silap siunissami kiatsikkiartornera qanoq sunniuteqarsimanersoq.