Sermersuaq aakkiartupiloorpoq

Sermersuaq ilimagisamit sukkanerujussuarmik aakkiartorpoq. Tamanna ukioq 2007-imi uuttortaanerit takutippaat, taama qallunaat issittumi ilisimatusartut misissuereerlutik nalunaarput.
Allattoq Najaaraq Egede
januaarip 18-at 2009 13:59

Kalaallit Nunaata Sermersuata ilarujussua ukiut tamaasa imaanut kuugussaasarpoq, allaammi ukiut aqqaneq marluk ingerlanerinnaanni procentinik arfineq-pingasunik milleriarsimalluni.

- 1995-imiit 2007-imut uuttortakkat takutitaat tupaallannarlutillu ernumanarput, Fairbanksimi issittoq pillugu misissuisoqarfimmi Alaskamiittumi ilisimatooq Sebastian H. Mernild oqarpoq.

- Sermersuup aakkiartorneratigut imaq qaffakkiartorpoq, pingaartumik tamanna nunarsuup affaani avannarlermi malunniuppoq, nangippoq.

Sebastian H. Mernild isumaqarpoq, Naalagaaffiit Peqatigiit sila pillugu suleqatigiissitaliaata issittumi misissuinerminni qarasaasiaq atorlugu naatsorsueriaasiliartik atorluartariaqaleraat.

Naalagaaffiit Peqatigiit silap pillugu suleqatigiissitaliaata 2007-imi februaariugaa eqqoriaanertik nalunaarutigaat ukioq 2100-mi nunarsuarmi immat 17 centimeterit 59 centimeterillu akornannik qaffakkumaartut. Upperinngilaalli. Alaskamimi naatsorsuinerit takutippaat kisitsisit taaneqartut pingasoriaataannik immat qaffassasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq