Sermersuaq aakkiartorpoq
Ullormi ataasiinnarmi, juulip 25-ani, Sermersuarmit imeq 12 milliardit tonsi aappoq, taamaalilluni 2013 nunarsuarmi ukioq kiannerpaat qulit akornannut inissippoq.
GEUS-ip, DMI-p DTU-llu avataarsuanik misissuinermik immikkoortortaata, Space-p, suleqatigiissutigaat Polar Portal. Polar Portal teknologiimik sermersuup aakkiartorneranik nakkutilliisussamik sanasimavoq. Sermeq 200 milliardit tonsit missaattut atsigisoq ukiut qulit ingerlaneranni ukiut tamaasa aattarpoq.
Sermeq qanoq atsigisoq aassaneranut kiassuseq kisimi apeqqutaanngilaq. Silaannaap ingerlaarnerata allanngorarnera aamma sunneeqataasinnaavoq, tassami silaannaq nillernerusoq aputeqarnerusitsisarpoq, taamaattumillu sermeqarnerulersitsisarluni.
Ilisimatuut akerlilinngilaat ukioqarsinnaammat sermermit aattumiit sermeqarnerulersitsisumik, sermilli aannera ukiuni kingullerni arfinilinni arfineq marlunni sukkanerulersimavoq.
[Allattoq: Katrine Strøm, suliffimmik misiliisoq]