Sermersooq Pan Am 2018-imut amerlanerusunik aningaasaliisoq

Nuuk Pan Amerikanske Mesterskabit 2018-imi ingerlanneqarpata aaqqissuussisuusussaavoq. Pan Am-ertoqarnissaata nunarsuarmioqatinut pilerisaarutiginissaanut 175.000 koruunit pisariaqartinneqarput.

Kommuneqarfik Sermersuullu Peqqinnissamut Sunngiffimmullu immikkoortortaqarfia tunisiumavoq. Immikkoortortaqarfiup aaqqissuussinissamut 100.000 koruunit tapiissutiginiarpai.

Aningaasalli nuunneqannginnerini Meeqqanut Atuarfeqarnermullu ataatsimiititaliap tamanna aqagu marlunngornermi ataatsimiinnermini oqaloqatigiissutigalugulu akuereqqaassavaa.

Ataatsimiititaliap Pan Am-imut aningaasartuutissat 13,4 millionit koruuniussangatippai. Kommuneqarfik Sermersooq 2 millionit koruuninik tapiissuteqarpoq Namminersorlutillu Oqartussat aaqqissuussinermut aamma aningaasaliissuteqarput.

AAMMA ATUARUK Naalakkersuisut Pan Am-ip nunatsinni aaqqissuunneqarnissaanut aningaasaliiniartut

AAMMA ATUARUK Nunarput Pan Am-ertoqarnerani nittarsaanniaraat

AAMMA ATUARUK Pan Am piviusunngussappat suli suliassaqaaluppoq