Sermersooq kommunalbestyrelseminik allanngortiterivoq

IA-meersup Harald Biancop nuna tamakkerlugu politikki Tasiilamilu sunngiffimmi pisortatut atorfini aallunnerujumallugit kommunalbestyrelsimit tunuarpoq. Taamaattumik kommunalbestyrelsi allamik ilaasortartaarpoq. Søren Lyberth, Paamiuni najugalik, qinigaasut allattorsimaffianni IA sinnerlugu tullinnguuttuummat Harald Biancop kommunimi politikkimit tunuarneratigut kommunalbestyrelsimi ilaasortanngorpoq, juulip aallaqqaataani kommunalbestyrelsemi ilaasortatut sulilissalluni, taama kommuni nittartakkamini ilisimatitsivoq.

Harald Bianco kommunalbestyrelsemi ataatsimiititaliani inissisimaffiisa affai Lberthip tiguvai, allat Mia Nielsenip Jonny Jensenillu tigussagaat.

Utaqqiisaagallartumik borgmesterimut tullersortip aappaa nutaaq aamma toqqarneqarpoq. Tassa Siumup inassuteqarneratigut kommunalbestyrelsip akuersissutigimmagu kommuneqarfimmi Martha Abelsen Doris Jakobsenip erninermi kingorna sulinngiffeqarnerata nalaani borgmesterimut tullersortit aappaatut atuutissasoq.

Martha Abelsen Doris Jakobsenip uternissaata tungaanut taamatut atuukkallassaaq. Doris Jakobsenip sulinngiffeqarnera oktoberip ulluisa tallimaanut ingerlassangatinneqarpoq.

Kommuneqarfik Sermersuumi kommunalebestyrelse juunip 15-iani ataatsimiinnermini taama aalajangerpoq.