Sermermiunut aqqut isumannaatsoq
Ilulissani Sermermiuni, Naalagaaffiit Peqatigiit ilisimatusarnermut kulturimullu Suleqatigiiffianit UNESCO-mit eriagisassanngortitaasumi immikkut aqqusiortoqartussanngorunarpoq.
Aqqusiornissap siunertaa akissaalu pillugit Ilulissani katersugaasivimmi saqqummersitsisoqarpoq. Naja Harpermann Ilulissani katersugaasivimmi pinngortitaq pillugu siunnersortaasoq oqarpoq Pinngortitamik allanngutsaaliinissaq takornariallu Sermimiunut isumannaatsumik aqquteqalernissaat aqqusiornissamut siunertaasut. Sermermiunut takornariarpassuaqartarpoq aasarlu qaammatit pingasut ingerlanerinnaanni takornariat ilaat arfineq marluk niuiarsimapput. Aqqusiassaq 8,5 million koruuninik akeqassaaq summiinnissaalu kimillu akilerneqarnissaa massakkut oqaluuserineqarput. Aningaasaateqarfinnut qinnuteqaasiortoqalereerpoq, aqqusiassarlu pillugu Iluliarmiut isumaat Katersugaasivimmi saqqummersitsinikkut tusarniarneqarpoq. Naja Harpermann oqarpoq Sermermiuni aqqusiornissamut Ilulissani oqaloqatigisarsimami amerlanersaat isumalluartut.
Ilulissani Sermermiuni isumannaatsumik aqqusiortoqarnissaa pillugu qinnuteqaat Ilulissat kommuneannut Ilulissani katersugaasivimmut Nunatta Katersugaasivianut Namminersornerullutillu Oqartussanut nassiunneqareerpoq.
