Serbiamiorpassuit akerliussutsimik takutitsissagunarput

Serbiamiut 100.000-lippassuit Kosovo-p naalagaaffittut namminersulerneranut akerliullutik nunap illoqarfiini anginerni arlalinni akerliussutsimik ullumi takutitsinissaat ilimagineqarpoq.
februaarip 21-at 2008 05:23

Akerliussutsimik takutitsiniarneq Serbiami naalakkersuisut tapersersorpaat, atuartut ullumikkut atuassanngillat, akerliussutsimillu takutitsinermut peqataarusuttut Beogradimut Beogradimiillu akeqanngitsumik aamma qimuttuitsorsinnaassapput.

Inuit akerliussutsimut takutitsinermut peqataaqqullugut præsident Boris Tadic aamma ministeriuneq Vojislav Kostunica kaammattuipput, ilutigaluguli kaammattuutigaat akerliussutsimik takutitsinerit eqqissisimasumik perulluliornertaqanngitsumillu ingerlanneqassasut.

TV-qarfiup naalagaaffimmit pigineqartup, RTS-ip, nalunaarutigaa, tusagassiorfiit tamarmik ”nunamik asanninnerminnik” takutitsinissartik pisussaaffigigaat, ”naalagaaffiullu kamarujussuarneratut” taagorneqarneratut taasassagaat.

Kosovo-p akuersaarnissaa nunanit EU-mut ilaasortaasunit 27-usunit 17-it maannamut akuerereerpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq