Serberit Albaniamiullu Kosovomi eqqissiviilliorput
Taamaaliortariaqarlerput Serbiamiut kamassimaqisut Kosovop avannaata kangiani killeqarfimmik nakkutilliivik ikuallatseriarlugu killeqarfimmik nakkutilliivimmik allamik saassussimmata.
Taama pisoqarmat NATO-p sakkutuui, ilaatigut danskit sakkutuuinik 60-inik ilallit aggersinneqarput.
Killeqarfinnik nakkutilliivinnik saassussineq Kosovomi innuttaasut Albaniamit Serbiamillu kingoqqisut aaqqiagiinnginnerujussuannut takussutissaavoq.
Russit nunanut allanut ministeriata Sergej Lavrov-ip ullumi USA mianersoqquaa oqarluni Kosovop namminersulernera ulorianarluinnartunik kinguneqassasoq, nunarsuarmioqatigiit aaqqissuussaanerannut nunallu tamat akaareqatigiillutik ingerlatsinerannut aarlerinartorsiortitsisumik.