Seqqartaatit qasilitsunik imallit politiinit atorneqalerput
- Qasilitsumik seqqartaammik eqqortittup isai ammarpiarsinnaajunnaartarput imaluunniit matoqattaaginnavilersarlutik. Seqqartaat isinik qasillerujussuartitsisarpoq aamma ilummut anersaarnikkut toqqusaanik qasillerujussuartitsisarluni, kisianni ulorianaateqanngilaq, Nuummi politeeq Erik Rasmussen oqarpoq.
Qanoq pisoqartillugu atorneqartassava?
- Inuit eqqissiumanngitsut, savilersortut arlaa tigulluunniit avatangiisiminnik ulorianartorsiortitsisut, paasariaqarnissaat pinngitsoortinniarlugu seqqartaat atortariaqarsinnaavarput, Erik Rasmussen oqarpoq.
Qasilitsumik imalimmik seqqartartitsinermit akunnermik ataatsimik sivisutigisumik isikkut qasilisitsisoqartarpoq. Imeq atorlugu seqqartartinnerit salinneqartarput.