Seqinermik tarrilersumik isiginnaarnerup angut annaappaa

Seqernup tarrikkiartornera kusanaqisoq qaraasiakkut webcam atorlugu arnap sapaatip akunnera kingulleq isiginnaarpaa, taamaaliorneralu angutip inuunerata annaanneranik kinguneqarpoq. Aviisimi Jyllands-Postenimi tamanna allaaserineqarpoq.
februaarip 03-at 2010 13:16

Arnaq Tysklandimi Kujallermi angerlarsimaffimmi qarasaasialererusaartilluni, kilometerinik hornorujorpassuarnik ungasitsigisumi eqqumiitsumik takusaqarpoq. Webcamikkut isiginnaarpaa Schleswig Holsteinimi nalunnguariartarfimmi St. Peter-Ordingimi seqerngup tarrikkiartornera.

Nordsømi sikusimasumi qaammaallannermik eqqumiitsumik takusaqarpoq. Ernumanartoqartikkamiuk politiinut sianerpoq, politiillu biilimik tassunnartitsipput.

Paasinarsivoq angut takornariaq tammartajaarluni sikumut pisimasoq. Ajornartorsiulerami assiliivimmi qaammaallattaataa atorlugu nunaviup tungaanut qaammaallatsitseqattaalersimavoq, takuneqarnissi neriuutigalugu.

Politiit oqaaseqartartuat, Kerstin Stielow, nutaarsiassaqartitsivimmut AP-mut oqarpoq, angut qiunissaraluanit arnap annaassimagunagunaraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq