Nunattali sinnerani inuit seqernup pulanera aamma takusinnaassagaat neriorsuutigineqarpoq, aammattaaq Ruslandimi Kinamilu tamakkiisumik takuneqarsinnaassasoq oqaatigineqarluni.
Qaammat februaarip 21-iani aamma pulassaaq. Qaammat pulagaangat qaammammi nunarsuup tarraa ersertarpoq, qaammat orange-tut qalipaatinitsittarlugu.
Ukiortaariitsiarpallu aamma isaasalerlugu qilaap nammineq qummoroortartui takuneqarsinnaajumaarput – tassa ullorissat anai arlalippassuit januaarip aallaqqaataaniit tallimaata tungaanut takuneqarsinnaassagamik. Akunnerullugooq ataatsip ingerlanerinnaani 120-nik ulloriaq anaqartassaaq.