Seqineq pulappat isitit illersukkit
Pinngortitarsuarmi taamatut pisut qaqutigut misigineqartarput.
Seqerngup pulanera Kalaallit Nunaat tamakkerlugu takuneqarsinnaassaaq, nunattalu avannarpasinnerpaartaani seqerngup pulanera tamakkerlugu takuneqarsinnaassaaq. Seqernup pulanerata 60 procentia Nuummi takuneqarsinnaasaaaq.
Seqerngup pulanera isiginnaarniaraanni isarussanik seqinersiutinik immikkut sanaajusunik atortariaqarpoq, taamaaliunngikkaanni isit ajoquserneqarsinnaammata.
Seqerngup pulanissaanut isarussaat seqinersiutit immikkut sanaat 10.000-it Danmarkimi namminersortumit aningaasaliiffigineqarsimasut Kalaallit Nunaannut tikiunneqaqqammerput, taakkulu Inerisaavimmit agguaanneqassapput.
Isarussat seqinersiutit immikkut sanaajusut Inerisaavimmit sinerissami illoqarfinni assigiinngitsuni attaveqarfigisanut nassiussuunneqaleruttorput, seqinersiutinik immikkut sanaanik sanatitsinermut suliniuteqartoq aaqqissuisoq Arne Hermann Ilinniusiorfimmeersoq oqarpoq.
Illoqarfinni nunaqarfinnilu attavigisat sapaatip akunnerini tulliuttuni isarussanik akeqanngitsunik agguaassissapput. Angajoqqaat sumiiffinni tamaniittut kajumissaarneqarput, meeqqat isaruassaannik juulip qaammataata ingerlanerani aalleqqullugit, aggustip aallaqqaataani pinngortitami misigisassaq qaqutigoortoq misiginiassammassuk.
