Seqernup kissaata nukinganik atuisoq nersornaatisivoq
Seqernup kissaata nukinganik atuinerugaanni, ikummatissanik sipaarnerusoqarsinnaavoq, Arne Kyed, ukiut qulit sinnerlugit seqernup kissaa atorlugu nukissiornermik misilittagalik, qanittumilu Avatangiisinut Pinngortitamullu Pisortaqarfimmit nersornaammik tunineqartoq, taama oqarpoq.
Allattoq Louise M. Kleemann
juulip 03-at 2008 08:02
Seqernup kissaa atorlugu nukissiorsinnaaneq isumassarsiarineqaqqaarpoq, atuartut aallaarsimaartarfianni akkumulatori ajornartorsiortitsilermat.
Aallaarsimaarfimmi ullumikkut kiassarnermut, radiomut, oqarasuaammut, qaammaqqutinut anartarfinnullu atuineq, seqernup kissaata nukingannit ingerlanneqarput.
Arne Kyed angerlarsimaffimmi aamma seqernup kissaa atorlugu nukissiuutinik atuivoq.
- Periarfissanik ulikkaarpoq, pitsaanerpaavorlu atuinermut aningaasartuutitaqanngimmat mingutsitsinanilu.
- Uuliamik atuinerput 25 procentimik millivoq. Seqerngup kissaanik niukiliuutit atorluarnerugaanni suli ikummatissaq annertunerusoq sipaarneqassaaq, massakkullu uulia akitsortoq paaseqqammerparput tamannalu kingulliunaviarunanngilaq, Arne Kyed oqarpoq.
