Send cash - not ash
Islandimi qaqqap innermik anitsinera ullut tamaasa tusartalerparput, taannalu pillugu oqaluttuat amerlammata, maanna tusagassiorfiit quiasaarutinik allattalerput.
Allattoq Jaaku Lyberth
apriilip 20-at 2010 10:15
Islandimi pisut pingaarteqartut kingulliit tusartakkagut tassaapput Islandimi aningaasarsiornikkut ajornartorsiorneq, maannakkullu qaqqap innermik anitsineranit arsakut silaannarmut qullartinneqartut aningaasarsiornermi ajornartorsiuteqarmut ilannguneqarpoq.
Tuluit oqariartaasiat 'send cash not ash' tassaavoq oorinik nassinnga arsakunik nassinnanga.
Aammagooq Islandip aningaasarsiornikkut ajornartorsiornermini kissaatigisaa kingulleq tassaavoq Europap arsakunik siaruarterfigineqarnissaa.
Dronning Margrethep 70-liilluni inuuissiornera aamma quiasaarutigineqarallarujoq, tassagooq arsakoorferujussuarmik Islandimit tunineqarami.
