Semifinalertussat nassaarineqarput

B-67 Nuuummeersoq, Narsameersut N-85, Ilulissaneersut N-48 kiisalu ukioq manna angutit isikkamik arsaallutik nunatsinni pissartanngorniunneranni tupaallatsitsisut A.T.A. Tasiilameersut semifinalinut annguttuupput.

Ippassaq unamminerit naammassineqarmata tamanna paasinarsivoq.

Pissartanngorniunnerni aaqqissuisuusut, Sisimiuneersut SAK, Nuummiut B-67 ippassaq unnukkut unammivaat. SAK ajugaasimasuugaluarpata semifinalimut anngussimassagaluarput, unamminerulli immikkoortuata siulliat naammassineqarmat B-67 3-0-imik siuaqqavoq, unamminerullu immikkoortuata aappaanni SAK isertitsigaluartoq, siorna pisssartanngortut B-67 3-1-imik ajugaapput.

Malamuk Uummannameersut semifinalimut anngussimasinnaagaluarputtaaq.

Tassa, Qaqortormiunut K-33-mut ajugaasimasuugaluarunik anngussimassagaluartik. Qaqortormiulli 4-2-mik ajugaapput.

A.T.A. Tasiilaq N-85 Narsaq ippassaq unammimmassuk 8-4-mik ajugaapput.

A.T.A. Tasiilaq aamma N-48 Ilulissat semifinalit siullianni aqagu ualiaraa nalunaaqutaq tallimanut naapissapput, unnukkullu nalunaaqutaq arfineq-marlunngorpat B-67 Nuuk, N-85 unammissavaat.

Arsaattut KNR-TV-kkut ullumimiit isiginnaarneqarsinnaalissapput, arfininngorpat pissartanngorniutivinnissaq ilanngullugu.