Seekon Radio Qaqortumi ullumi aallakaatitsilissaaq
Qaqortormiut nutaamik radiortaalerput, ualeru nalunaaqutaq pingasunut tusaat nutaaq pisortatigoortumik ammarneqassammat.
Allattoq Mads Lynge
Tusaat nutaaq Seekon Radiomik ateqarpoq, Qaqortumilu pisut pillugit aallakaatitsisassalluni, nipilersukkanillu tusarnaarfiusinnaassalluni.
Tusaammik piginneqataasoq Kent Kielsen oqarpoq Seekon Radio ulluinnarni ullukkut nalunaaqutaq pingasuniit toqqaannartumik aallakaatitsisassasoq, immiuteriikkanillu aallakaatitsisassalluni. Nittartakkatigut aamma aallakaatitsisoqartassaaq.
Tusaat nutaaq pilerisaarutit aqqutigalugit aningaasalersorneqarnissaa pilersaarutigineqarpoq.
Kelly Berthelsen, Kullak, Seekon Radiomik ulluinnarni aallaqqaammut aqutsisuussaaq.