Qassimiut eqqaani Saqqamiormiuusimasoq massakkut Narsami najugalik, 72-nik ukiulik Sebulon Poulsen, Namminersornerullutik Oqartussat nersornaasiuttagaanik sølviusumik saqqarmiulerneqarluni Qaqortumi ippassaq nersornaaserneqarpoq.
Qaqortumi Det Hvide Korsit ukiunik 55-iliinerat iluatsillugu Inatsisartut siulittaasuata Jonathan Motzfeldt-ip, Qaqortup katersortarfiani persuarsiualaarfiusumi nersornaat sølvimik saqqarmiortalik tunniuppaa.
Taamatut nersornaaserneqarnissaa Narsami ilagiit sinniisaannit inassutigineqarsimavoq, pingaarnertut Sebulon Poulsen-ip ilagiinni sullissilluarsimanera pissutaalluni.
- Taamatut nersornaaserneqarniarnera tusaqqaarakku taamatut pineqarnissara kissaatigisimanngikkaluarpara, naggataatigullu akuerisariaqarlugu, killitsisimaqaanga eqqaasassaqaqaangalu, nersornaaserneqartoq Sebulon Poulsen oqarpoq.
- Inuit inuiaqatigiinni sullissilliarsimasut nersornaasigassatut inassutigineqaraangata nersornaasiisarpugut, Inatsisartut siulittaasuat Jonathan Motzfeldt oqarpoq.
