Saviminissamik piiaaffissamik pilersitsinissaq tuavisaarutigileraat
Dr. Xiaogang Hu siuttuliullugu London Mining Nuup Kangerluata qinnguani saviminissamik piiaaffissaliornissap akuerineqarnissa angutserlugu ukiuni kingullerni pingasuni kingullerni innuttaasut nunattalu politikerii sunnerniarsarisimavai, maannalu tuavisaarilerluni.
Taassuma saviminissamik piiaaffissap Nunatta nunarsuarmi sunniuteqalernissaanut aqqutissatsialaanera KNR-imut ima nittarsaappaa:
- Kalaallimmi kinguaariit tullinnguuttunut suliffissarpassuarnik pilersitsitsissanerata saniatigut Kalaallit Nunaanni ilinniartitaanerup qaffassarneqarnissaanut aqqutissiuisuusinnaalluarpoq nunarsuarmilu pissutsinut Kalaallit nunaat qitiusumik inissisimalersissinnaassallugu, Xiaogang Hu KNR-imut oqarpoq.
Nuup Kangerluani piiaaffissamut aningaasaliisussat Kinamiuusut qanittukkut maanga nunatsinnut tikeraarput. Suliffeqarfissarsuaq 30 milliardtit koruunit missaani akeqassangatinneqarpoq, piviusunngortinneqassanersorlu qanittukkut aaliangiunneqartussaarpasilluni.
- Utaqqiinnartoqarsinnaanngilarli! Suliniummi paamaarunneqaannassappat aningaasaliiumasut aningaasaatitik allamut nooriaannaavaat, taamaammat tuaviortariaqalerpusi, Xiaogang Hu politikerinut taama kaammattuivoq, imalu nangilluni:
- Aamma uanga utaqqikatappunga. Taamaammat Kalaallit Nunaata siunissaata nutaap piviusunngortinneqarnissaa maanna aallarnisarneqartariaqalerpoq, Xiaogang Hu oqarpoq.
London Mining-ip pisortaata Xiaogang Hu apersorneqarnera uani takullugulu tusarnaarsinnaavat:
Imm. 1
Imm. 2