Savilersorsimasutut pineqaatissinneqarpoq
Arnaq 46-nik ukiulik Arsummeersoq marlunngormat toqutseriarsimasutut ukiut pingajuata affaani pinerluuteqarsimasunut inissiisarfimmiittussanngorlugu eqqartuunneqarpoq, taama allaaserinnittoqarpoq Sermitsiaq.gl-imi.
Arnaq taanna ukiormanna aggustip qulinganni tigusarineqarpoq, angut 41-nik ukiulik inooqatigisani savimmik kapisimammagu. Arnap angut savimmik marloriarlugu kapisimavaa, ernguttoqartillugu anisitaanini kamaatigalugu.
Paamiut eqqartuussivianni arnaq septembarimi ukiut pingajuata affaani pinerluuteqarsimasunut isertitsivimmiittussanngorlugu eqqartuunneqarpoq, eqqartuussinerlu taanna marlunngormat Nunatta Eqqartuussiviani naqissuserneqarpoq.