Savatillit savaasivittaarusupput

Savaateqarnermut aningasaliissutigineqartartut naammattariaqarput, Nunalerineq pillugu siunnersuisoqatigiit 1 juli ukiumoortumik ataatsimiikkamik taama qulequtaqarput. 

- Savaasiviit ukiut 30-nit 40-nut pisoqaassuseqartut iluarsartuunneqarnnissaat, aamma ivikkanut imerterutit taarserneqatariaqarput, Nunalerineq pillugu Siunnersuisoqatigiit siulittaasuat Carl Frederiksen taama oqarpoq. 

Savaasivinni sulinermi atugassarititaasut pitsaanerusariaqarput, Frederiksen oqarpoq.  

Siulilttaasup innersuussutigivaa, Savaateqarneq pillugu isumalioqatigiissittap kissaatigisimasaa, tassalu savaattillit pisariaqartitaasa nailersorneqarnissaa pisariaqartinneqarmat .

Savaasiviit nutarneqartariaqarput imaluunniit nutaanik sanasoqartariaqarpoq. 

Ivikkanut imerteriviit amerlanerusut pisartinneqartinneqarput  piffissami kingullerni panernartarsimanera pissutigalugu ivikkat annikinnerusut pissarsiarineqartaramik taakkualu savat nerisarisarmatigit.   

Savaasivinnik nutaarluinnarnik pisariaqartitsisoqarpoq. 

-  Savaasiviit nutarneqarpata savat anaasa nakkartitsiviinik pisariaqartitsisoqarpoq,  savat anaat maanakkut nivaattat atorlugit piaarneqartaramik, Carl Frederiksen oqarpoq.  Savat anaat ivikkanut, savat nerisartagaannut naggorissaatitut atorneqartaramik, Nunalerinermut Siunnersuisoqatigiit siulitaasuat taama oqarpoq.  

Namminersorlutik Oqartussat tusagassiuutinut nalunaarutaat naapertorlugu, nunalerinermik inuussutissarsiuteqartunut aningaasalersuinermik ukioq maanna 13,7 million tapiissutigineqarput. 

Tapiissutigineqartartut tunisinermut tapiissutit uumasuutinut Narsami toqoraavimmut imaluunniit toqoraavinnut uumasut nakorsaasa akuerisaannut allanut suliareqqitassanngorlugit tunniunneqartunut ilaatigut tapiissutaasarput.