Savalimmiut WHO-mit tusarneqarusuppoq
![](/sites/default/files/styles/image_934x467/public/article_images/img_9043.jpg?itok=BFS0tdde)
Savalimmiut WHO-p ataatsimiinnerani peqataasartutut ilaasortanngornissamut qinnuteqarniarpoq.
Naalagaaffiimmi kisimik WHO-mi ilaasortatut naatsorsuutigineqartarput.
Taamaattumik Savalimmiut sinnerlugit Danmark qinnuteqartussaavoq. Savalimmiormiut nutaarsiassaqartitsiviat taama allaaserisaqarpoq
WHO-mi oqaaseqarsinnaatitaaneq
Covid-19-ip tuniluunnerani Nunat tamalaat peqqissutsimut suleqatigiiffiani WHO-mi tusarneqarnissarput pisariaqarnerulerpoq, Savalimmiuni peqqissutsimut naalakkersuisoq Kaj Leo Holm Johannesen oqarpoq.
WHO-mi taasisinnaanatik ilaasortat, ataatsimiititaliani aamma ataatsimeersuarnerni oqaaseqarsinnaatitaapput, WHO-mili siunnersuutinik taasisinnaatitaanatik.
AAMMA ATUARUK Savalimmiut: Coronamik Brasiliami allanngortumik Savalimmiuni ataaseq tunillatsissimasoq
Savalimmiut WHO-mi ilaasortanngoruni ukiumut 30.000 kr-nik akiliisassaaq.