Savalimmiut uuliasiornerminni iluatsitsinngitsut

Savalimmiuni naalakkersuisut akuersissuteqarnerisigut uuliasioqatigiiffiit arlallit uuliasiorsinnaallutillu gassimik ujarlersinnaanngorput.
decembarip 08-at 2008 17:24

Akuersissutit pingasut tunniunneqarput, danskit nukissiuuteqarnermut suliffissuaqarfiat DONG Norgimiut Statoil peqatigalugit akuersissummik tunineqarput, soorlu aamma Savalimmiormiut nukissiuuteqarnermut suliffissui Faroe Petroleum aamma Atlantic Petroleum akuersissutinik tunineqartut.

Nutaarsiassaqartitsivik Ritzau taama allaaserinnippoq.

Qillerisinnaanissamut akuersissutit katillugit 14-it Savalimmiuni naalakkersuisunit maannamut tunniunneqarnikuupput, qillerinerilli arfiniliinnaat naammassineqarnikuullutik – iluatsitsiffiunngitsumik.

Uuliasiornermi Savalimmiormiut kingullermi pakatsisinneqarmata upernaaq pakatsisinneqarput, uuliasioqatigiiffik BNP Shell aamma Anadarko peqatigalugit Savalimmiut imartaani qillerigaluarmata.

Qillerineq taanna milliardit affaannik akeqarsimassangatinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq