Savalimmiut akiliisinnaasusaat apeqquserneqarpoq

Savalimmiormiut ammassassuarnik imminnut pisassinnerisa kingorna aamma nunanut allanut ammassassuarnik niueruteqarnialersaarnerat EU-mit isumaqataaffigineqanngereersorlu EU-mit eqqarsaatigineqalerpoq Savalimmiut niuernikkut mattunneqarnissaannik.

EU-p taama eqqarsaateqalernerata kinguneranik, akiliisinnaassutsimut naatsorsuisarfiup, Moody-p maanna eqqarsaatigilerpaa Savalimmiormiut akiliisinnaassusaat apeqquserniarlugu.

Taama iliortoqassappat tamanna Savalimmiut nunanut allanut aningaasanik atorniarsinnaanerat ajornarnerulersussaassaaq.

Savalimmiut niuernikkut mattunneqarnissaannik apeqqut EU-mit qaammatip tulliup ingerlanerani aalajangerneqassaaq.

Savalimmiormiut niuernikkut mattunneqassappata, tamanna Savalimmiormiut aalisartuisa EU-mi nunanut taleqqusaajunnaassapput aamma Savalimmiormiut ammassassuartaat nunanut EU-mut ilaasortaasunut tuniniaqqusaajunnaassallutik.

Taamaakkaluartoq EU-mi nunat Savalimmiuni aalisartut atortussaannik angallatinillu tuniaasarnerat unitsinneqassagunanngilaq.

Ammassassualerngusaanneq EU-mit aalajangiiffigineqareerpat, akiliisinnaassutsimut naatsorsueqqissaartarfiup, Moody-p Savalimmiut akiliisinnaassusaa pillugu sioorasaarutertik pivusunngortissaneraat apeqqutaaginnalerpoq.