Savalimmiut aalisarneq pillugu isumaqatigiissuteqarfigineqartut
Atorfilittatigoortumik Københavnimi ulluni marlunni isumaqatigiinniartoqareersorlu illuatungeriit isumaqatigiissutigaat maannakkut isumaqatigiissutaasoq 2019-imut atuuttussanngorlugu ingerlateqqinneqassasoq.
Ataasiakkaanilli allannguuteqartoq, Aalisarnermut naalakkersuisoqarfik allappoq.
Nunarput Savalimmiut imartaanni katillugit 19.692 tonsinik saarullernartassinneqarpoq. Taakku 2018-imut sanilliullugit 3.823 tonsinik ikinnerupput.
AAMMA ATUARUK Aftale om fiskeri mellem Grønland og EU på plads
Aappatigullu nunatta ammassassuartassai 700 tonsinik ilaneqarput 2019-imilu 3.200 tonsinik ammassassuartassaqassalluni.
Savalimmiut nunatta imartaani saarullittassaat 100 tonsinik ikilineqarput pisassallu sinneri allanngortinneqaratik.
Umiarsuaatillit nunatsinneersut namminersorlutillu inuussutissarsiortut sinniisui isumaqatigiinniarnernut peqataasut Aalisarnermut Naalakkersuisoqarfik peqatigalugu naliliipput Savalimmiunut aalisarneq pillugu isumaqatigiissut naammagisimaarnartoq.
