Assi: Thijs ter Haar/Flickr Creative Commons

EU aalisarneq pillugu isumaqatigiissuteqarfigineqartoq

Nunatta EU-llu akornanni 2019-imut isumaqatigiissut aalisarnissamut Aalisarnermut, Piniarnermut Nunalerinermullu Naalakkersuisoqarfiup EU-llu ukiumoortumik atsioqatigiissutigaat.

Bruxellesimi atorfilittatigoortumik novembarip ulluisa 19-annit 21-at ilanngullugu isumaqatigiinniartoqarpoq.

2019-imut isumaqatigiissutigineqartoq naapertorlugu europamiut nunatta imartaani  aalisarsinnaanissaat taamaalilluni inissinneqarpoq.

Kalaallit Nunaata EU-llu akornanni aalisarnermut isumaqatigiissutaata 2016-imit 2020-mut atuuttup maanna isumaqatigiissutigineqartut sisamassaraat.

Nutaamik isumaqatigiissuteqarnermi nunat EU-mut ilaasortat tunumi saarullittassaat 200 tonsinik ilaneqarput, taamaalillutik saarullittassat 2.000 tonsinngortinneqarput.

Akerlianik nunat EU-mut ilaasortat suluppaagartassaat 865 tonsinik ikilisinneqarput. Siunnersuinermi suluppaakkat ikileriarsimanerat tamatumani pissutaavoq.

Nunat EU-mut ilaasortat kitaani raajartassaat 200 tonsinik ilaneqarput, tunumili EU-p raajartassai 1.350 tonsinik ikinnerussallutik.

 

Aalisagaq

Pisassat aallaaviusut jf.

Aalisarneq pillugu isumaqatigiissut

EU-p 2019-imi aalisagartassai

Saarullik ICES V, XII, XIV og NAFO 1F

1.800

2.000

Suluppaakkat ikerinnarsiortut ICES V, XII, XIV og NAFO 1F

2.200

1.335

Suluppaakkat itisoormiut ICES XIV & V og NAFO 1F

2.000

2.000

Qalerallit i NAFO 1 – 68O N kujataani

2.500

2.500

Qalerallit ICES V, XII og XIV

5.200

5.200

Raajat NAFO 1

2.600

2.800

Raajat ICES XIV & V

5.100

3.750

Ammassaat i ICES XIV & V

20.000

0

Tupissutit i ICES XIV & V

100

110

Tupissutit i NAFO 1

100

100

Pisarisuukkat

1.126

1.050

Najoqqutarisaq: Naalakkersuisut.gl

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat