Savalimmiut septembarimi aatsaat taama kiatsigipput, septembarip qaammataani agguaqatigiissillugu 11,5-inik kiassimallutik.
Danmarkimi silasiorfik DMI Savalimmiuni 1960-imili silasiortalerpoq, taamanerniillu septembariutillugu aatsaat taama kiatsigisoq, DMI silasiortoq Alex Rasmussen Savalimmiut radioannut oqarpoq.
Savalimmiuni septembarip qaammataa kingullermik kiarujussuaq ukio 2002-mi, taamani agguaqatigiissillugu 11,1-imik kiassimalluni.